Our Programs / New Waves Asia PhilippinesKAIN AT HAIN
Ang KAIN AT HAIN ay nagbibigay ng tulong pinansyal at training ukol sa komunikasyon at negosasyon sa mga Pinoy animal advocates nang mahikayat nila ang mga karinderya at school canteens na magluto ng pagkaing plant-based. Sa pamamagitan ng pagsama ng mga solusyong nakatutok sa mga problemang panlipunan, tulad ng kahirapan, kakulangan ng abot-kayang pagkain, at malnutrisyon, ipinaglalaban ng KAIN AT HAIN nang sabay ang mga hayop at ang mga Pinoy.
Nais nating gawing mas abot ng masa ang pagkaing walang sangkap na hayop.
Stef dela Cruz, MD (she/her) - Philippine Director
Si Stef ay isang animal advocate. Bago naging vegan, naki-alyansa siya sa iba't-ibang organisasyong ipinaglalaban ang kapaligiran, ang mga kababaihan, at ang hustisyang pangkalusugan. Nagtapos siya bilang nars at doktor sa University of Santo Tomas, kung saan siya ay nakatanggap ng Dean Bacala Academic Excellence Award. Siya lang ang tanging doktor na pinarangalan ng 2013 Health Media Award mula sa Department of Health. Ngunit masasabing ang kanyang pinakamahalagang tagumpay ay ang pagiging tagapag-alaga ng apat na inampon at iniligtas na hayop — tatlong pusa at isang aso — na masayang nabubuhay sa layaw.
Bakit may KAIN AT HAIN?
Maraming empleyado ang nakadepende sa 24-hour convenience store at fast food chain, kung saan walang pagkain na plant-based at masustansya.
Kahit na laganap ang malnutrisyon sa mga mag-aaral at mas malaki ang gastos kung gagawing sangkap sa pagkain ang karne, walang kasamang masustansyang pagkain na plant-based sa mga school feeding program ng ating bansa.
Hindi nabibigyan ng sapat na suporta ang ating mga magsasaka, at minsan ay tinatambak na lamang nila sa kalsada ang kanilang mga murang ani.
Hindi man kapansin-pansin, magkakaugnay ang tatlong problemang ito — at oo, konektado din ang mga ito sa pagmamaltrato ng mga hayop!
Pwedeng tugunan ang mga isyung ito sa pamamagitan ng isang programang tutulong sa mga karinderya at school canteen na magluto ng pagkaing plant-based, masustansya, at abot-kaya.
Ang KAIN AT HAIN ay makakatulong sa mga hayop, habang tumutulong narin sa mga Pinoy na maaring may malnutrisyon, at mga magsasakang nangangailangan ng ating suporta!
Ano ang inaalok ng KAIN AT HAIN?
TULONG PINANSYAL AT TRAINING
Pagbigay ng tulong pinansyal at kasanayan tungkol sa komunikasyon at negosasyon nang maging matagumpay ang pakikipag-alyansa sa mga kainan at school canteen
PAG-ALYANSA SA MGA KARINDERYA AT SCHOOL CANTEEN
Pakikipag-alyansa kasama ng mga maliit na eatery, tulad ng karinderya at school canteen, nang sila ay makaluto ng pagkaing plant-based para sa kanilang mga komunidad
PAGBUO NG PAGKAING PLANT-BASED
Pagbuo ng recipe na plant-based, kasama ang mga karinderya at school canteen, base sa pangangailangan nila at ng mga komunidad gamit ang mga sangkap na kanilang abot-kaya
RELIEF KITCHEN
Pagluto ng pagkaing plant-based para sa mga nasalanta ng bagyo, dahil na rin sa malaking tulong ng mga kaalyansa nating mga grupo na may malasakit sa kapwa Pinoy
Ang mga nagawa na natin
~2000 katao na may access sa paging plant-based dahil sa KAIN AT HAIN!
~3 malalaking kaganapan sa ating mga komunidad na sinimulan ng mga naging bahagi ng KAIN AT HAIN!
7 kalahok na mga bayan at lungsod sa iba't-ibang bahagi ng bansa!
12-oras na vegan potluck — posibleng ang pinakamatagal na naitala sa ating mga komunidad!
Ikaw ba ay…
1) Gustong makatanggap ng pinansyal na reward bilang animal advocate?
2) May edad na 13 pataas?
3) Gustong makatulong sa mga hayop?
4) Gustong makatanggap ng training tungkol sa epektibong komunikasyon?
5) Gustong maturuan ang mga karinderya at school canteen na magluto nang walang sangkap na hayop?
Bilang KAIN AT HAIN participant, maaaring tumanggap ng hanggang PHP 15,000 sa bawat anim na karinderya o school canteen na mahihikayat mong sumama sa programa.
Pwede rin mag-email para sa karagdagang mga tanong: animalallianceasia.ph@gmail.com
Limitado ang mga slot, apply na!